01
сентябрь
2023
1-қыркүйек "Білім күніне" арналған "Мектебім-мейірімділік мекені" атты салтанатты жиын
Мектепте 2023-2024 жаңа оқу жылының басталуы қарсаңында білім алушылардың бойында білімнің басымдылығы мен маңыздылығын және жағымды көңіл-күй, оң көзқарас қалыптастыру мақсатында "Мектебім-мейірімділік мекені" атты салтанатты жиын өтті. Жиынға 1-11 сынып оқушылары, ата-аналар, мектеп ұжымы қатысты. Салтанатты жиын 1-сынып оқушыларын ұстаздарымен қарсы алумен басталып, ҚР туы кіргізіліп, мемлекеттік гимн айтылды. Мектеп басшысы Г.Т.Тулемисова оқушылар мен ұстаздарды, ата-аналарды жаңа оқу жылының басталуымен құттықтап, оқушылардың өткен оқу жылындағы жеткен жетістіктерін айта келіп, алдағы оқу жылында толағай табыстарға жетуге тілектестік білдірді. 1-сынып оқушылары өздерінің тақпақтарын айтып, 11-сынып оқушылары ізгі тілектерін өлең жолдарымен жеткізді, әндер айтылды.
Сондай-ақ, барлық сыныптарда білім алушылармен бірге білімге ұмтылу, отаншылдық, еңбексүйгіштік құндылықтарының адам өміріндегі рөлін талқылау мақсатында сынып сағаттары өтілді. Сынып сағаттары аясында оқушыларға білімге деген ұмтылыс, патриотизм және еңбекқорлық, сондай-ақ жаңа оқу жылында рухани құндылықтарды қалыптастыру мен дамыту туралы бірлескен талқылау ұйымдастырылып, достық қарым-қатынастың, жауапкершілік пен бір-біріне деген құрметтің маңыздылығы туралы айтылды.