«Ұлы халықтың-ұлы Абайы»
2025 жылдың 5 қыркүйегінде Қазақстан халқының тілдер күніне орай қазақ халқының ұлы ойшылы, ақын, ағартушы Абай Құнанбаевтың тіл мен әдебиетке қосқан үлесін насихаттауға арналған «Ұлы халықтың-ұлы Абайы» тақырыбында іс-шара өткізілді. Атап айтқанда «Асыл мұра», «Полиглот», әдістемелік бірлестік мұғалімдері Г.Карибаева, С. Рахымбаева әдеби музыкалық кеш ұйымдастырды.
Іс-шара барысында оқушылар Абайдың тіл туралы өлеңдері мен қара сөздерінен үзінділер оқып, ойшылдың сөз өнеріне, ана тілін ардақтауға шақырған даналық ойларына тоқталды. Сонымен қатар, қатысушылар тіл – халықтың жаны, ұлттың рухани байлығы екенін дәлелдейтін Абайдың мұраларын талқылады, «А.Құнанбаевтың өмірбаяны» тақырыбында видео көрсетілді.
Мақсат – жас ұрпақты ана тілін құрметтеуге, сөз өнерін бағалауға, ұлттық болмысты сақтап, өзге тілдерді де үйренуге ынталандыру. Шара жоғары деңгейде өтіп, оқушылардың тілге деген сүйіспеншілігін арттырды.
Қорытынды: Тілдер күні Абай мұраларымен байланыстыра өткізілуі – оқушылардың таным көкжиегін кеңейтіп, тілге деген құрметін арттыруға ықпал етті.
